மலிவு விலை Oppo போன் - இன்று முதல் விற்பனை தொடக்கம்

29 March 2022

Oppo நிறுவனம் தனது குறைந்த விலை 4ஜி ஸ்மார்ட்போனை இந்தியாவில் அறிமுகம் செய்தது. Snapdragon புராசஸர், 50MP கேமரா, 33W பாஸ்ட் சார்ஜிங் ஆகிய அம்சங்களுடன் வரும் ஒப்போ K10 ஸ்மார்ட்போனின் முதல் விற்பனை இன்று (மார்ச் 29) Flipkart தளத்தில் தொடங்குகிறது.


ஸ்மார்ட்போன் தயாரிப்பு நிறுவனங்களுக்கு போட்டியாக புதிய குறைந்த விலை ஸ்மார்ட்போனை Oppo நிறுவனம் இந்தியாவில் அறிமுகம் செய்தது. புதிதாக அறிமுகம் செய்யப்பட்ட ஒப்போ K10 ஸ்மார்ட்போன் 4ஜி ஆதரவுடன் அறிமுகம் செய்யப்பட்டுள்ளது. இன்று (29 மார்ச் 2022) Oppo K10 ஸ்மார்ட்போன் Flipkart, Oppo ஆகிய தளங்களில் விற்பனைக்கு வருகிறது.


ஒப்போவின் புதிய ஸ்மார்ட்போன் Redmi 10 போல சில அம்சங்களைக் கொண்டிருக்கிறது. எனவே, சந்தையில் இந்த ஸ்மார்ட்போன்களுக்கு இடையே கடுமையான போட்டிகள் நிலவும் என எதிர்பார்க்கப்படுகிறது. புதிய ஒப்போ K10 ஸ்மார்ட்போனானது, snapdragon 680 சிப்செட், 50 மெகாபிக்சல் முதன்மை கேமரா, 33W பாஸ்ட் சார்ஜிங், 90Hz டிஸ்ப்ளே போன்றவை சிறப்பம்சங்களைக் கொண்டுள்ளது.


ஒப்போ K10 அம்சங்கள் (Oppo K10 Specifications)


புதிய ஒப்போ ஸ்மார்ட்போனில் 6.59" இன்ச் 2412 x 1080 பிக்சல்கள் கொண்ட FHD+ டிஸ்ப்ளே கொடுக்கப்பட்டுள்ளது. இந்த டிஸ்ப்ளே 90Hz ரெப்ரெஷ் ரேட் கொண்ட LCD பேனல் ஆகும். இது 480 nits வரை பிரைட்னஸை ஆதரிக்கிறது. இந்த திரையின் அடர்த்தி 401PPI ஆக உள்ளது.


இந்த ஸ்மார்ட்போன் Qualcomm Snapdragon 680 புராசஸர் கொண்டு இயக்கப்படுகிறது. கிராபிக்ஸ் எஞ்சினாக Qualcomm Adreno 610 GPU உள்ளது. Android 11 அடிப்படையிலான ColorOS 11.1 ஸ்கின் நிறுவப்பட்டுள்ளது. மேலும், 6GB, 8GB LPDDR4X ரேம் பயன்படுத்தப்பட்டுள்ளது. ஸ்டோரேஜ் மெமரியாக UFS2.2 128GB வழங்கப்பட்டுள்ளது. MicroSD card உதவியுடன் 1TB வரை மெமரியை விரிவுபடுத்தலாம்.




ஒப்போ K10 கேமரா (Oppo K10 Camera)


பட்ஜெட் விலை ஒப்போ ஸ்மார்ட்போனின் பின்புறம், மூன்று கேமராக்கள் கொண்ட அமைப்பு கொடுக்கப்பட்டுள்ளது. இதில், முதன்மை கேமராவாக 50MP f/1.8 5P லென்ஸும், 2MP f/2.4 Bokeh லென்ஸும், மூன்றாவதாக 2MP மேக்ரோ லென்ஸும் பயன்படுத்தப்பட்டுள்ளது. செல்பி, வீடியோ அழைப்புகளுக்காக 16MP f/2.0 5P lens கொடுக்கப்பட்டுள்ளது.


ஜியோமேக்னெடிக் சென்சார் (Geomagnetic sensor), லைட் சென்சார் (Light sensor), புராஸிமிட்டி சென்சார் (Proximity sensor), அக்செலெரோமீட்டர் (Accelerometer), கிராவிட்டி சென்சார் (Gravity sensor) ஆகிய சென்சார்கள் ஸ்மார்ட்போனில் பயன்படுத்தப்பட்டுள்ளது.


ஒப்போ K10 பேட்டரி (Oppo K10 Battery)


Wi-Fi 5 GHz, Bluetooth 5.0, SBC, AAC, aptX, LDAC ஆடியோ கோடெக், MicroUSB, 3.5mm ஹெட்போன் ஜாக் ஆகிய இணைப்பு ஆதரவும் Oppo ஏ16இ ஸ்மார்ட்போனில் உள்ளது. GPS, AGPS, BeiDou Navigation Satellite System, GLONASS, Galileo போன்ற இருப்பிட சென்சார்களும் இதில் நிறுவப்பட்டுள்ளது.


இந்த ஸ்மார்ட்போனை சக்தியூட்ட 5000 mAh/19.35 Wh பேட்டரி பயன்படுத்தப்பட்டுள்ளது. ஸ்மார்ட்போனுடன் 33W SUPERVOOC பாஸ்ட் சார்ஜ் ஆதரவும் கொடுக்கப்பட்டுள்ளது. இதே திறன் கொண்ட சார்ஜிங் அடாப்டரும் ஸ்னார்ட்போனுடன் வருகிறது.




ஒப்போ K10 விலை (Oppo K10 Price in India)




பிளாக் கார்பன், ப்ளூ பிளேம் ஆகிய இரு வண்ணத் தேர்வுகளில் இந்த ஸ்மார்ட்போன் அறிமுகம் செய்யப்பட்டுள்ளது. இதன் 6GB + 128GB வேரியண்டின் விலை ரூ.14,990 ஆகவும், 8GB + 128GB வேரியண்டின் விலை ரூ.16,990 ஆகவும் விற்பனைக்கு வருகிறது.


இந்த ஸ்மார்ட்போனின் விற்பனை விவரங்கள் Oppo, Flipkart ஆகிய தளங்களில் பட்டியலிடப்பட்டுள்ளது. இன்று பகல் 12 மணிக்கு இந்த ஸ்மார்ட்போனின் முதல் விற்பனை தொடங்குகிறது. Bank of Baroda, YES Bank, Standard Chartered Bank ஆகிய வங்கி வாடிக்கையாளர்களுக்கு கூடுதலாக ரூ.1,000 தள்ளுபடி வழங்கப்படுகிறது.