குறைந்த இரத்த அழுத்தம்!
23 July 2021
குறைந்த இரத்த அழுத்தம்
Low Blood Pressure -– HYPOTENSION
தீராத நோய்களின் பட்டியலில் முதலி டத்தில் வருவது இரத்த அழுத்தம்– உயர் இரத்த இழுத்தம்&குறை இரத்த அழுத்தம்.
▪️ஆனால் 90% வீதமான விழிப்புணர்வு உயர் இரத்த அழுத்தம் பற்றியே மக்களுக்கு இருக்கின்றது
🔺குறைந்த இரத்த அழுத்தம்– அறிகுறிகள்🔻
1. தலைசுற்றல்
2. மயக்கம்/ உணர்விழப்பு
3. வாந்தி
4. வழமைக்கு மாறான நா வறட்சி
5. சோர்வு/ பலவீனம்
6. பார்வை குறைதல்
7. கண்கள் இருட்டாவது போன்ற உணர்வு
9. உடல் சில்லிட்டு போவது
மேற்கூறியவற்றில் ஒன்றோ பலவோ ஏற்பட்டால் இரத்த அழுத்தம் குறைகிறது என்று அர்த்தம்.
▪️குறை இரத்த அழுத்தம் ஏற்பட வாய்ப்புக்கள்▪️
✔️கர்ப்பகாலம் (பிரசவத்துக்குப் பிறகு சரியாகிவிடும்)
✔️நீரிழப்பு – அதிக காய்ச்சல், வாந்தி ஏற்படும்போது, ✔️கடுமையான உடற்பயிற்சி-
eg: விளையாட்டு வீரர்களுக்கு
✔️நோய்கள்/ இதய வால்வு/ துடிப்பு கோளாறுகள், மார டைப்பு, இதய செயலிழப்பு, வரிக்கோஸ்
✔️விபத்துக்களால் ஏற்படும் அதிக இரத்த இழப்பு (>500ml பொதுவாக) ..... நாளம், நாடி, சிதைவு ஏற்படுதல்.
✔️ஹார்மோன் கோளாறுகள்: தைரொயிட் / பராதை ரொயிட்/ பிட்பூட்டரி சுரப்பு குறைபாடுகள் கட்டுப் பாடற்ற ✔️நீரிழிவு
✔️தீவிர நோய்த்தொற்று– Septicemia
✔️ஒவ்வாமை – Allergy, விஷக்கடி
✔️சத்துக்குறைபாடு – இரத்தசோகை
✔️சில மருந்துகள் – மனவழுத்த/ பார்க்கின்சன் நோய் /✔️சிறுநீரைப் பிரியச் செய்யும்/வயாகர (viagra)போன்ற மருந்துகள்
✔️உயர் இரத்தவழுத்த மாத்திரையை அளவுக்கதிகமாக உட்கொள்வது.
தோட்டத்தில் குழாய்களில் நீர் பாய்ந்தோடுவது போலத்தான் இரத்தமானது இரத்த நாடி, நாளங்களில் ஒரு (artery &veins ) பாய்ந்தோடுகின்றது!!!!
இதயத்தை நோக்கி வரும்போது ஒரு குறித்த வேகத்திலும் ,விட்டு வெளியேறும்போது ஒரு வேகத்திலும் பாய்ந்தோடுகின்றது.
இந்த வேகங்களுக்கு பெயர்தான் இரத்த அழுத்தம்.
🟢பொதுவாக 120/80 mmHg இருப்பது இயல்பு. 🟢
▪️120 – சிஸ்டாலிக் அழுத்தம்.
அதாவது இதயம் சுருங்கி இரத்தத்தை தள்ளும்போது ஏற்படுகிறது. –சுருங்கழுத்தம்.
▪️80– டியஸ்டாலிக் அழுத்தம் : இதயம் இரத்தத்தை வெளியேற்றிய பிறகு தன்னளவில் விரிந்து உடலில் இருந்து வரும் இரத்தத்தை பெறும்போது ஏற்படும் அழுத்தம் - விரிவழுத்தம்.
🔺ஆனால் 120/80 என்று எல்லோருக்கும் சொல்லிவைத்தால் போல் இது இருக்க வேண்டுமென்றில்லை. 🔺
உடல், எடை, உயரம் போன்ற பல காரணிகளுக்கேற்ப இது வேறுபடும்.
WHO வானது 120/80 இலிரிருந்து 140/90 வரை சாதாரண இரத்த அழுத்தமாக வரையறை செய்துள்ளது.
🔹140/90 இற்கு மேல் உயர் இரத்த அழுத்தமாகவும்
90/60 இற்கு கீழே குறை இத்த அழுத்தமாகவும் கணிப்பிடப்படுகிறது. (arterial hypotension)
இதயத்துக்கு தேவைப்படும் இரத்தம் செல்ல தடை உண்டாவதுதான் குறை இரத்த அழுத்தத்தின் அடிப்படை.
மேற்கொள்ளப்படும் பரிசோதனைகள்
1. ஈசிஜி– ECG
2. எக்கோ – ECHO
3.வழமையான இரத்தப் பரிசோதனைகள் (Basic blood investigation)
4. Til – table test
▪️சிகிச்சை
➖அடிப்படைக் காரணத்தை அறிந்து மருத்துவ உதவியுடன் சரிசெய்ய வேண்டும்.
➖மருத்துவரின் ஆலோசனையின்படி உணவில் உப்பை அதிகாரித்தல்
➖நிறைய தண்ணீர் அருந்துதல்
➖காலுறைகள் அணிவது
➖சரியான போசாக்கு விகிதாசாரமுள்ள உணவு உட்கொள்ளல்
➖தேவையான மாத்திரைகள் மருத்துவர் பரிந்துரைப்பர்.
உயர் இரத்த அழுத்தம்– அமைதியான ஆட்கொல்லி நோயாகும்.-Silent Killer!!!
இதேபோல் குறை இரத்த இழுத்தம்– எரிமலை Volcano !!!என்று அழைக்கப்படும்.
எரிமலை எப்பொழுது குமுறும் என்று கணிப்பிட முடியாது. அதுபோலதான் பல நேரங்களில் இது ஆபத்தில்லாத நோயாக இருப்பினும்; திடீரென்று உயிராபத்து விளைவிக்கக் கூடிய ஒன்று. அவதானமாக இருங்கள். மருத்துவ ஆலோசனையை சரியாகப் பின்பற்றுங்கள்.!!!
by Dr.Priyaanthini Kamalasingam