மத்திய அரசு இன்று தாக்கல் செய்த 2026-27 ஆம் ஆண்டுக்கான நிதிநிலை அறிக்கையை அதிமுக பொதுச்செயலாளர் எடப்பாடி பழனிசாமி வரவேற்றுப் பாராட்டியுள்ளார். இந்த பட்ஜெட் இந்தியாவின் பொருளாதார நிலையை உலக அளவில் வலுவானதாக மாற்ற உதவும் என்று அவர் தனது அறிக்கையில் குறிப்பிட்டுள்ளார்.


குறிப்பாக, நிதிப் பற்றாக்குறையைக் குறைப்பதற்கான முயற்சிகள், உள்நாட்டு உற்பத்தியைப் பெருக்குவதற்கான ஊக்குவிப்புத் திட்டங்கள் மற்றும் செயற்கை நுண்ணறிவு, ஜவுளி, மருந்துத் துறைகளில் அறிவிக்கப்பட்டுள்ள மேம்பாட்டுத் திட்டங்கள் வரவேற்கத்தக்கவை என்று அவர் தெரிவித்துள்ளார்.


ஜவுளித் துறைக்கான திட்டங்கள் திருப்பூர், கரூர் போன்ற பகுதிகளுக்குப் பயனுள்ளதாக அமையும் என்றும், சிறு மற்றும் குறு தொழில்களுக்கு ஒதுக்கப்பட்டுள்ள நிதி ஆதாரங்கள் தமிழகத்தின் தொழில் வளர்ச்சிக்கு உதவும் என்றும் அவர் நம்பிக்கை தெரிவித்துள்ளார். மேலும், 9-வது முறையாகப் பட்ஜெட் தாக்கல் செய்து சாதனை படைத்துள்ள மத்திய நிதியமைச்சர் நிர்மலா சீதாராமனுக்கும், பிரதமர் மோடிக்கும் அவர் தனது மனமார்ந்த வாழ்த்துகளைத் தெரிவித்துள்ளார்.