சிவகங்கை மாவட்டம் கும்பங்குடி பாலம் அருகே இன்று காரைக்குடியை நோக்கி அரசு பேருந்து ஒன்று சென்று கொண்டிருந்தது. இதேபோன்று மதுரை நோக்கி சென்ற அரசு பேருந்தும் அந்த பாலத்தின் அருகே வந்து கொண்டிருந்தபோது இரண்டு பேருந்துகளும் நேருக்கு நேர் மோதி பயங்கர விபத்து ஏற்பட்டது.
இந்த கொடூர விபத்தில் 9 பெண்கள் டிரைவர் உட்பட 11 பேர் பரிதாபமாக உயிரிழந்தனர். மேலும் இந்த விபத்தில் இருபதுக்கு மேற்பட்டோர் காயம் அடைந்தனர். காயமடைந்தவர்கள் உடனடியாக மீட்கப்பட்டு மருத்துவமனைக்கு அனுப்பி வைக்கப்பட்டனர். இந்த நிலையில் இன்னும் சிலரின் உடல்நிலை கவலைக்கிடமாக உள்ளதால் பலி எண்ணிக்கை உயர வாய்ப்புள்ளது.. இந்த கோர விபத்து அப்பகுதியில் பெரும் பரபரப்பையும் சோகத்தையும் ஏற்படுத்தியுள்ளது...
