பிலிப்பைன்ஸில் மயோன் எரிமலை சீற்றம்: 3,000 பேர் அவசரமாக வெளியேற்றம்
08 January 2026
பிலிப்பைன்ஸ் நாட்டின் அல்பே மாகாணத்தில் அமைந்துள்ள உலகப்புகழ் பெற்ற மயோன் எரிமலை மீண்டும் சீறத் தொடங்கியுள்ளது. இதன் காரணமாக முன்னெச்சரிக்கை நடவடிக்கையாக 3,000-க்கும் மேற்பட்ட பொதுமக்கள் பாதுகாப்பான இடங்களுக்கு வெளியேற்றப்பட்டுள்ளனர்.
மயோன் எரிமலை உலகளவில் மிக அழகான கூம்பு வடிவ எரிமலையாகக் கருதப்படுகிறது. இருப்பினும், பிலிப்பைன்ஸில் உள்ள 22 செயல்பாட்டு எரிமலைகளில் இது மிகவும் ஆக்ரோஷமான ஒன்றாக உள்ளது. கடந்த 400 ஆண்டுகளில் இந்த எரிமலை 50-க்கும் மேற்பட்ட முறை வெடித்துள்ளது குறிப்பிடத்தக்கது.
கடந்த சில நாட்களாக எரிமலையின் உச்சியில் இருந்து பாறை உருண்டைகள் விழுந்து வருவதுடன், சிறிய அளவிலான வெடிப்புகளும் ஏற்பட்டு வருகின்றன. எரிமலை மீண்டும் பெரும் சீற்றத்தைக் காட்டத் தொடங்கியுள்ளதால் அப்பகுதியில் பதற்றம் நிலவுகிறது.
நிலைமையின் தீவிரத்தை உணர்ந்து, அரசு பல்வேறு பாதுகாப்பு நடவடிக்கைகளை மேற்கொண்டுள்ளது
எரிமலையைச் சுற்றி 6 கி.மீ. சுற்றளவு கொண்ட பகுதி "ஆபத்து மண்டலமாக" அறிவிக்கப்பட்டுள்ளது.
இந்த மண்டலத்திற்குள் இருந்த கிராமங்களில் வசித்த 3,000-க்கும் மேற்பட்ட மக்கள் உடனடியாக வெளியேற்றப்பட்டுள்ளனர்.
அப்பகுதியில் கண்காணிப்பு பணிகள் தீவிரப்படுத்தப்பட்டு, பொதுமக்கள் யாரும் அந்த எல்லைக்குள் நுழைய வேண்டாம் என அறிவுறுத்தப்பட்டுள்ளனர்.
பிலிப்பைன்ஸ் எரிமலை மற்றும் நில அதிர்வு நிறுவனம் நிலைமையை தொடர்ந்து கண்காணித்து வருவதாக அதிகாரிகள் தெரிவித்துள்ளனர்.
