மத்திய அரசு 2026-ஆம் ஆண்டிற்கான பத்ம விருதுகளை அறிவித்துள்ளது. இந்த முறை மொத்தம் 131 பேர் இந்த உயரிய விருதுகளுக்குத் தேர்வு செய்யப்பட்டுள்ளனர்;

இதில் 5 பேருக்கு பத்ம விபூஷண், 13 பேருக்கு பத்ம பூஷண் மற்றும் 113 பேருக்கு பத்ம ஸ்ரீ விருதுகள் வழங்கப்படவுள்ளன. கலைத்துறையைப் பொறுத்தவரை, மூத்த மலையாள நடிகர் மம்மூட்டிக்கு 'பத்ம பூஷண்' விருதும், தமிழ் மற்றும் இந்தியத் திரையுலகில் முத்திரை பதித்த நடிகர் மாதவனுக்கு 'பத்ம ஸ்ரீ' விருதும் அறிவிக்கப்பட்டுள்ளது.

கலைத்துறையில் பத்ம விபூஷண் விருதுக்கு நடிகர் தர்மேந்திர சிங் தியோல் (மகாராஷ்டிரம்) மற்றும் இசைக்கலைஞர் என். ராஜம் (உத்தரப் பிரதேசம்) ஆகியோர் தேர்வு செய்யப்பட்டுள்ளனர். பத்ம பூஷண் பட்டியலில் மம்மூட்டியுடன் பாடகி அல்கா யாக்னிக் மற்றும் பியூஷ் பாண்டே ஆகியோரும் இடம்பெற்றுள்ளனர்.


தமிழகத்தைப் பொறுத்தவரை, கலை மற்றும் சமூகப் பணிகளுக்காக ரஞ்சனி-காயத்ரி சகோதரிகள், ஓதுவார் திருத்தணி சுவாமிநாதன், ஆர். கிருஷ்ணன் மற்றும் ராஜஸ்தபதி காளியப்பா கவுண்டர் உள்ளிட்ட பலருக்கு பத்ம ஸ்ரீ விருதுகள் அறிவிக்கப்பட்டு கௌரவிக்கப்பட்டுள்ளது.