தமிழகச் சட்டப்பேரவைத் தேர்தலை முன்னிட்டு, சென்னையில் உள்ள அதிமுக பொதுச் செயலாளர் எடப்பாடி பழனிசாமியின் இல்லத்தில் தமிழக பாஜக தலைவர் நயினார் நாகேந்திரன் மற்றும் மத்திய இணை அமைச்சர் எல். முருகன் ஆகியோர் அவரைச் சந்தித்துப் பேசினர்.


இந்தச் சந்திப்பின் போது, தேசிய ஜனநாயகக் கூட்டணியில் மேலும் சில புதிய கட்சிகளை இணைப்பது குறித்தும், தேர்தல் பணிகளை ஒருங்கிணைத்து மேற்கொள்வது குறித்தும் விரிவாக ஆலோசிக்கப்பட்டதாகத் தெரிகிறது.


வரும் தேர்தலில் திமுக அரசுக்கு எதிராக வலுவான கூட்டணியை அமைப்பது மற்றும் தொகுதிப் பங்கீடு தொடர்பான முதற்கட்டப் பேச்சுவார்த்தைகள் இந்தச் சந்திப்பில் முக்கிய இடம்பெற்றதாக அரசியல் வட்டாரங்கள் தெரிவிக்கின்றன.