சென்னை விமான நிலையத்தில் வழக்கம் போல் விமானங்கள் இயக்கம்

30 November 2025

புயல் காரணமாக கனமழை எச்சரிக்கை விடுக்கப்பட்டிருந்த நிலையில் சென்னை விமான நிலையத்தில் இருந்து தூத்துக்குடி மதுரை, திருச்சி ஆகிய நகரங்களுக்கு இயக்கப்படும் 18 விமானங்கள் மற்றும் தூத்துக்குடி, திருச்சி, மதுரையிலிருந்து சென்னைக்கு இயக்கப்படும் 18 விமானங்கள் நேற்று ரத்து செய்யப்பட்டன. 

இந்த நிலையில் தற்போது மழையின் அளவு குறைந்துள்ளது. மேலும் புயலின் வேகமும் குறைந்துள்ளதால் சென்னை விமான நிலையத்திலிருந்து தூத்துக்குடி, மதுரை, திருச்சிக்கு இயக்கப்படும் விமானங்கள் இன்று வழக்கம் போல் இயக்கப்படுகின்றன. அதுமட்டுமின்றி சென்னை யாழ்ப்பாணம் இடையே இயக்கப்படும் இரண்டு விமானங்கள் மட்டும் இன்று ரத்து செய்யப்பட்டுள்ளன. இது குறித்த விபரங்களை பயணிகள் அந்தந்த நிலை அதிகாரிகளிடம் தகவல் கேட்டுக் கொள்ளலாம் எனவும் அறிவிக்கப்பட்டுள்ளது.