முகப்பு குடும்பத் தலைவிகளுக்கு மாதம் தோறும் ரூ.1500: குடும்பத்துக்கு ஆண்டு ஒன்றுக்கு 6 விலையில்லா சமையல் எரிவாயு - முதல்வர் பழனிசாமி அறிவிப்பு
குடும்பத் தலைவிகளுக்கு மாதம் தோறும் ரூ.1500 மற்றும் குடும்பத்துக்கு ஆண்டு ஒன்றுக்கு 6 விலையில்லா சமையல் எரிவாயு வழங்கப்படும் என்று முதல்வர் எடப்பாடி பழனிசாமி அறிவித்துள்ளார். மகளிர் தினத்தை ஒட்டி, அதிமுக தேர்தல் வாக்குறுதியாக முதல்வர் எடப்பாடி பழனிசாமி இதனை அறிவித்துள்ளார்.
இதுதொடர்பாக பேசிய முதல்வர் எடப்பாடி பழனிசாமி, "அதிமுக அறிவிக்க இருப்பது முன்கூட்டியே கசிந்ததால் திமுக அறிவித்து விட்டது.
ஆண்டுக்கு 6 கேஸ் சிலிண்டர்கள் இலவசமாக வழங்கப்படும். குடும்பத் தலைவிகளுக்கு மாதம் ரூ.1,500 வழங்கப்படும். சிறப்பான திட்டங்களால் நாங்கள் மக்கள் மனதில் இடம்பிடித்துள்ளோம். அதிமுகவில் இருந்து விலகி சென்றவர்கள், மீண்டும் இணைய விரும்பினால் தலைமை முடிவு செய்யும்.
கிறிஸ்துவ, இஸ்லாமிய அமைப்புகள் ஏற்கனவே அதிமுகவுக்கு ஆதரவு தெரிவித்துள்ளன. மக்கள் மனம் மகிழும் வகையில், அதிமுகவின் தேர்தல் அறிக்கை இருக்கும். கடந்த 4 ஆண்டுகளுக்கு மேலாக நிறைய திட்டங்களை அதிமுக அரசு தந்துள்ளது. விரைவில் அதிமுக தேர்தல் அறிக்கை வெளியிடப்படும்” என்று தெரிவித்தார்.
