வெரிக்கோஸ் நோய்க்கு தீர்வு உண்டா டாக்டர் ?
06 February 2021
வெரிக்கோஸ் நோய்க்கு தீர்வு உண்டா டாக்டர் ?
வெரிக்கோஸ் தமிழில் சுருள்சிரை நாளங்கள் என்று அழைக்கப்படும். இது கடுமையான வலியை ஏற்படுத்தாத நோய் என்பதால் ,பெரும்பாலும் இறுதிக் கட்டங்களிலேயே நோயாளி வைத்தியரை அணுகுவது வழமை. இருபாலாருக்கும் ஏற்படும் பிரச்சினையாயினும் , ஒப்பீட்டளவில் பெண்களே அதிகம் பாதிக்கப்படுகின்றனர்!
தொடைக்கு கீழ்/முழங்கால்களுக்கு பின்புறமாக நரம்புகள் முடிச்சுகள்
போல தென்படும். புடைத்துக் கொண்டு காணப்படும்.
சிலவேளைகளில் கடும் நீலநிற நிறமாற்றம் கூட ஏற்படும்.
பாதங்களில் இலேசான வீக்கம் உண்டாகும்.(ஓய்வாக இருக்கையில் குறைவாக இருக்கும்)
சிலவேளைகளில் அரிப்பு ஏற்பட்டு, சொறிவதால் கால்களில் புண் உண்டாகி நீண்டகாலம் மாறாத புண்களாகக் காணப்படும்.
1. வயோதிபம் (இரத்த நாளங்களின் வால்வு நலிவடைதல்)
2. பரம்பரை
3. உடற்பருமன் அதிகரித்தல்
4. நீண்டநேரம் நிற்கும் / இருக்கும் தொழிலாளர்
(உதாரணம்: ஆசிரியர், கண்டக்டர்)
5. கர்ப்பகாலம்
6. மலச்சிக்கல் – நீண்டகாலத்துக்கு
மேற்கூறியவை உங்களுக்கு வெரிக்கோஸ் ஏற்பட தூண்டுதலாக விளங்கும் காரணிகள். (Risk foctors) இங்கு அடிப்படைக்காரணம் இரத்த நாளங்களில் குருதியமுக்கம் அதிகரிப்பதேயாகும்.
எமது உடலின் அசுத்த இரத்தத்தை உடலின் அனைத்துப் பாகங்களிலுமிருந்து இதயத்துக்கு கொண்டு செல்வது நாளங்கள் (Veins) ஆகும்.
கட்டமைப்பில் ,இரத்தத்தை மேல்நோக்கி செலுத்துவதற்கும் , கீழ் நோக்கி வருவதை தடுப்பதற்குமான பொறிமுறை காணப்படுகிறது.-இதற்கு வால்வு என்று பெயர். இவ்வால்வ்வின் பணியில் குறைபாடு ஏற்படும்போது உடலின் கீழ்ப் பகுதியிலுள்ள இரத்தம் இதயத்துக்கு செல்வதில் சிக்கல் ஏற்பட்டு ,தேக்கநிலை ஏற்பட்டு (Pooling of blood) இரத்த நாளங்கள் புடைத்து வீங்குவதை வெரிக்கோஸ் என்கின்றோம்.
‘வெரிக்கோஸ் வெயின்’ பிரச்சினைக்கு ‘நிரந்தர’ தீர்வு இல்லை என்பது ஒரு கசப்பான உண்மை. (Duplex Scan) –டுப்லெக்ஸ் ஸ்கான் செய்து பார்த்த, எந்த இடத்திலுள்ள இரத்த நாள வால்வு பாதிக்கப்பட்டுள்ளது என்பதைத் துல்லியமாக அறிந்து மேலதிக சிகிச்சை அளிப்போம். வெரிக்கோஸ் உள்ள இடங்களில் ஆறாத புண், கடுமையான நிறமாற்றத்து
டன் கூடிய தோல்தடிப்பு ஏற்படுகையில், அறுவைசிகிச்சை செய்ய நேரிடலாம். தற்பொழுது லேசரினாலும் சிகிச்சை மேற்கொள்ளப்படுகிறது. அறுவைச் சிகிச்சை செய்த பின்பும் உரிய வாழ்வியல் நடைமுறை மாற்றங்களை (Life style modification) வைத்தியரின் அறிவுரைப்படி மேற்கொள்ளாவிடின் மீண்டும் இந்நோய் ஏற்பட வாய்ப்புண்டு.
Compression Stockings :
இறுக்கமான சொக்ஸ் (பிரத்தியேகமான, மருந்தகங்களில் கிடைக்கும்) அணிதல், தலையணையிலோ, ஓய்வாக இருக்கும்போதோ காலை உயர்த்தி வைத்திருத்தல் (Limb Elevation) போன்றவை வீட்டில் நீங்கள் வெரிக்கோஸ் நோயாளியாயின் செய்யக்கூடிய செயற்பாடுகள்.
மக்கள் ஒன்றைப் புரிந்துகொள்ள வேண்டும்
இது இரத்தஓட்டம் சம்பந்தப்பட்ட நோய். உங்கள் இரத்த ஓட்டத்தில் ஏற்படும் பாதிப்பு உங்கள் கால்களை செயலிழக்கச் செய்யும்வரை செல்லலாம். எனவே அலட்சியமின்றி, ஆரம்ப கட்டத்திலேயே மருத்துவரை நாடினால் அறுவைச் சிகிச்சையிலிருந்து தப்பிக்கலாம். !!!
அடுத்த கேள்விக்கான பதில், வெரிக்கோஸ் நோயைக் குணப்படுத்துவதால் உங்களுக்கு எவ்வித பக்க விளைவு களும் ஏற்படாது.
Written By Dr. Priyaa Kamalasingam
DGH Chilaw, TH Jaffna , Srilanka
